Mun samar da isasun kayan dakile cutar Diptheria- Ma’aikatan lafiya

Gwamnatin jihar Kano ta samar da isassun kayan aiki domin dakile yaduwar cutar mashako ta Diphtheria a fadin jihar.

Kwamishinan lafiya na jiha Dr Abubakar Labaran Yusuf ne ya bayyana hakan yayin da yake jawabi dangane da barkewar cutar, inda yace bai dace jiha kamar Kano ta samu kanta a yaki da irin wannan annoba ba.

A cewar sa sakacin gwamnatin baya na gaza yiwa al’umma allurar rigakafi ne ya jawo fadawa halin da aka samu kai a ciki.

Dr. Abubakar ya kara da cewa ‘a Litinin din makon da muke bankwana dashi kawai an kwantar da marasa lafiya 130 sanadiyyar kamuwa da cutar ta Diphtheria’.

Rahoton: Mukhtar Abdullahi Birnin Kudu