Mun zaftare albashin watan Maris na kusoshin gwamnati – Ganduje

Gwamnatin jihar Kano ta zaftare albashin shugabannin da ke rike da madafun iko a gwamnatin da kaso hamsin cikin dari na watan Maris da ya gabata.

Hakan na cikin wata sanarwa da kwamishinan yada labarai Malam Muhammad Garba ya fitar.

A cewar sanarwar matakin ya zama wajibi sakamakon yadda gwamnatin ta karbi Kason ta daga hannun gwamnatin tarayya wanda kuma ya zamo mafi kankanta.

A cewar sanarwar an zaftare kason shugabannin ne tun daga matakin shugabannin kananan hukumomi da kansiloli da sauran masu rike da mukaman siyasa.

Wannan dai ya biyo bayan yadda gwamnatin ta ce bazata iya biyan mafi karancin albashi na dubu talatin a watan na Maris ba.