Muna kashe sama da biliyan 50 na tallafin lantarki kowanne wata -Buhari

Gwamnatin tarayya ta ce a duk wata tana kashe sama da naira biliyan hamsin wajen bada tallafin samar da hasken wutar lantarki.

Ministan samar da hasken wutar lantarki Sale Mamman ne ya bayyana hakan ta cikin wata sanarwar da mai bashi shawara kan harkokin yada labarai Mr. Aaron Artimas ya fitar a Abuja.

Aaron ya ce, Sale Mamman ya shaida hakan ne ga wata tawagar jagororin jaruman Hausa na Kannywood lokacin da suka kai masa ziyara a ofishinsa.

Minsitan ya ce, wadanann kudade da aka kashe wajen samar da wutar lantarki cikin wata guda, ya biyo bayan korafe-korafen da ake samu daga ‘yan Najeriya ga me da karin farashin wutar lantarki, wanda hakan ya sanya gwamnatin tarayya ta dauki nauyin kashe naira biliyan hamsin wajen samar da wadataccitar wutar ga ‘yan kasa.