Muna nan a kan bakanmu na tsunduma yajin aiki – JUHESU

Gamayyar ƙungiyoyin ma’aikantan lafiya ta kasa reshen jihar Kano JUHESU ta ce, ba gudu ba ja da baya kan kudirin ta na tsunduma yajin aiki.

Ƙudurin Ƙungiyar ya biyo bayan gaza cika mata alƙawuran da gwamnatin tarayya ta ƙi yi mata.

Shugaban kungiyar JUHESU reshen asibitin Aminu Kano Murtala Isah Umar ne ya bayyana haka jim kaɗan bayan kammala shirin “Barka da Hantsi” na nan Freedom Radiyo, da ya mayar da hankali kan abubuwa da ke janyo yawan tafiya yajin aikin likitoci.

Murtala Isah ya ce, “gwamnatin tarayya ta sha daukar mana alkawari na cika mana buƙatun mu amma kuma har yanzu batai ɗaya daga ciki ba”in ji Pharmacist Murtala Isa.