Muna nan kan bakanmu na rushe gadar Kofar Nasarawa – Ganduje

Daga: Aisha Sani Bala

Gwamnatin jihar Kano ta ce har yanzu akwai yiwuwar rushe gadar Kofar Nassawara da ke nan birnin Kano sakamakon rashin tsari da aka gina gadar tun da farko.

Kwamishinan yada labarai da raya al’adu na jihar Kano Malam Muhammad Garba ne ya bayyana haka jim kadan bayan kammala shirin Barka da Hantsi na nan tashar freedom.

Malam Muhammad Garba ya ce, gwamnatin jihar Kano ta gano cewa akwai tarin matsaloli masu yawa da gadar ke dasu, hakan yasa take nazarin rushe gadar don gina na zamani.

Sai dai ya ce har yanzu ba su gama cimma matsaya kan wannan batun ba.