Mutane 3 sun rasu sakamakon zaftarewar kasa a Keffi

Rahotonni daga Karamar hukumar Keffi na jihar Nasarawa, sun tabbatar da rasuwar wasu mutane uku yayin da wasu kuma suka jikkata a wani hadarin zaftarewar kasa da ya ritsa da su.

Shugaban Karamar Hukumar Muhammad Baba Shehu, ne ya tabbatar da rasuwar tasu a zantawarsa da BBC.

Kafar ta bayyana cewa, iftila’in ya faru ne da yammacin ranar Talata yayin da mutanen ke hakar yashi a wurin wanda ke unguwar Ayaba.