Mutuwar Martins: An gurfanar da NFF da LMC gaban kotu

Mahaifan tsohon dan wasan kungiyar kwallon kafa ta Nasarawa United da ya mutu Chineme Martins sun shigar da karar hukumar kwallon kafa ta Najeriya NFF da kamfanin shirya gasar League LMC da kuma Nasarawa United a gaban kotu.

Chineme Martins ya fadi ne a filin wasa yayin da yake bugawa kungiyar tashi Nasarawa United wasa a karawarsu da Katsina United a garin Lafia dake a jihar ta Nasarawa.

Dan wasan mai shekara 23 ya mutu ne a ranar takwas ga watan Maris din shekarar da ta gabata ta 2020 bayan faduwarsa a filin wasan.

Iyayen Martins dai sun bukaci kungiyar ta biyasu kudin Diyya naira miliyan dari da ashirin sakamakon mutuwar dan nasu.

Haka zalika kungiyar magoya bayan ‘yan wasa ta duniya wato Fifpro ta ce, “Kawo yanzu Nasarawa United ta gaza mikawa iyayen Martins takardun inshorarsa tare da na kwantiraginsa da kungiyar kuma har ila yau babu wani taimako daga kungiyar ko NFF.”