Na bai wa ‘yan jarida damar samun bayanai yayin mulkina- Shugaba Buhari

• Gwamnatina ta yi kokari matuka wajen bai wa ‘yan jarida kariya da ‘yancin samun bayanai.

• Shugaba Muhammadu Buhari ya kuma bai wa ‘yan jaridar damammaki duba da rawar da suke takawa wajen isar da sakonni a tsakanin al’umma.

Shugaban kasa Muhammad Buhari ya ce, gwamnatinsa ta yi kokari matuka wajen bai wa ‘yan jarida kariya da ‘yancin samun bayanai a zamanin mulkin sa.

Hakan na cikin wata sanarwa da mai taimakawa shugaban kasa kan harkokin yada labarai Femi Adesina ya fitar a wani bangare na bikin ranar kare ‘yancin yan jarida da ake gudanarwa Larabar makon nan.

Shugaba Buhari ya kuma ce, ya zama wajibi a yabawa ‘yan jarida duba da yadda suke aiki tukuru wajen sanar da al’ummar kasa al’amuran da suka shafi kasa da ci gabansu.

Rahoton: Madeena Shehu Hausawa