Najeriya za ta fara buga wa ƙasar Gambia kuɗi – Emefiele

Babban bankin ƙasa (CBN) ya amince Najeriya ta fara buga kuɗi ga ƙasar Gambia.

Kudin Gambia dai ana kiranshi da suna ‘Dalasi’.

Gwamnan bankin na CBN Godwin Emefiele shine ya bayyana haka yayin zantawa da manema labarai yau a Abuja.

Ya ce, ya tattauna da gwamnan babban bankin ƙasar Gambia Mista Buah Saidy wanda ya kawo masa ziyara ofishinsa da ke Abuja a yau talata.

A nasa ɓangaren kamfanin buga kuɗi da muhimman takardun gwamnati na ƙasa, ya ce, a shirye yake ya aiwatar da wannan umarni da bankin na CBN ya yi yarjejeniya da ƙasar ta Zambia.