NDLEA ta cafke manyan ‘yan kasuwa da Cocaine kunshi 193

Hukumar yaki da sha da fataucin miyagun kwayoyi ta NDLEA, ta ce ta samu nasarar kama mutane 185 a Abuja da Kano bisa zargin da suka shafi safarar kwayoyi.

A wata sanarwa da hukumar ta wallafa a shafinta na tuwita, ta ce, wasu ‘yan kasuwa biyu da ke tsare a hannunta, kwana uku bayan kama su a filin jirgin saman Abuja, sun yi bahayar kulli 193 na hodar Ibilis.

Haka kuma hukumar ta ce, ta samu nasarar kwace wasu kullin hodar ibilis da aka yi niyyar fasa kwaurinsu zuwa Saudiyya daga Canada.