Sarkin Karaye ya nada Alhaji Umar Musa Kwankwaso a matsayin sabon Majidadi

Mai martaba sarkin Karaye Dakta Ibrahim Abubakar II, ya nada Alhaji Umar Musa Kwankwaso a matsayin sabon Majidadin Karaye.

Sanarwar nadin na kunshe cikin wata wasika mai dauke da sa hannun jami’in yada labarai na masarautar, Haruna Gunduwawa ya fitar.

Sanarwar ta ce, za a yi bikin nadin nasa ne tare da wasu mutane 11 da sarkin ya nada su sarauta a ranakun 19 da 26 ga wannan watan da muke ciki na Mayu.

Alhaji Umar Musa Kwankwaso dai, dan uwa ne ga tsohon gwamnan Kano kuma dan takarar shugaban kasa na jam’iyyar NNPP a zaben da ya gabata Sanata Rabiu Musa Kwankwaso.