NDLEA ta kama mutane 1164 da zargin ta’ammali da miyagun kwayoyi a shekara guda

Hukumar hana sha da fataucin miyagun kwayoyi ta kasa reshen jihar Kano ta kama mutane 1164 da take zargi da ta’ammali da miyagun kwayoyi, daga watan Yunin Bara zuwa Bana.

Wannan na kunshe ne cikin sanarwar da jami’in hulda da jama’a na hukumar AG Sadik Maigatari ya fitar aka rabawa manema labarai.

Maigatari ya ce ‘wadanda aka kamo sun hadar da maza 1100 da kuma mata 63’.

AG Sadik ya kuma ce ‘a tsawon lokacin hukumar ta kama kayan maye mai nauyin kilogram dubu dari 70530, da suka hadar da Tabar Wiwi mai nauyin kilogram Dubu 20096, da Hodar Ibilis mai nauyin kilogram 47 da dai sauransu.

Rahoto: Ahmad Kabo Idris