Nijar: A janye dokar hana hawa Babur a Tillaberi

Hukumomi a jamhuriyar Nijar sun janye dokar hana hawa Babur a jihar Tillaberi, mai fama da hare-haren ƴan ta’adda.

Shugaban majalisar dokokin ƙasar Alhaji Saini Ommarou ne ya sanar da hakan yayin ziyarar da ya kai jihar ta Tillaberi.

Hakan kuma ya biyo bayan ƙorafe-ƙorafen da jama’ar jihar suka riƙa yi, ciki har da ƴan majalisun jihar.

Janye dokar zai fara aiki ne daga ranar Laraba mai zuwa.

Al’umma da dama ne dai a jihar suka riƙa nuna farin cikinsu bayan da Gwamnati ta amince da wannan buƙata da suka nema.