Zamu fara ƙwace duk gidan da muka samu ƙwaya a cikinsa – NDLEA

Hukumar hana sha da fataucin miyagun ƙwayoyi ta ƙasa NDLEA zata fara ƙwace duk wani gida da aka samu ana ajiye miyagun ƙwayoyi.

Shugaban hukumar Janar Buba Marwa Mairitaya ne ya bayyana hakan yayin da yake zantawa da Freedom Radio a ranar Litinin.

Buba Marwa wanda ya ke ziyarar aiki a Kano, ya gargaɗi jama’a kan su guji ta’ammali da miyagun ƙwayoyi.

Ya ce, hukumar NDLEA ba zata ɗaga ƙafa ba ga duk wanda aka samu da laifin amfani da miyagun ƙwayoyi.