NNPC: Mun sai da mai na tiriliyan 2 da biliyan 200 a shekarar 2020

Kamfanin mai na kasa (NNPC) ya ce tsakanin watan Disamban shekarar 2019 zuwa Disamban shekarar 2020, ya sayar da man fetur da kudinsa ya kai naira tiriliyan biyu da biliyan dari da casa’in da bakwai

Manaja mai kula da harkokin yada labarai na kamfanin na NNPC Dr. Kennie Obateru ne ya bayyana haka yayin wani taron manema labarai jiya a Abuja.

A cewar sa wannan na cikin rahoto ne da kamfanin ya fitar game da al’amuran cinikin mai da suka faru tsakanin shekarar 2019 zuwa 2020.

Sanarwar ta kuma ruwaito shugaban kamfanin na NNPC na cewa an samu karin cinikin mai a watan Disamba da akalla naira biliyan ashirin da hudu da miliyan goma sha tara.