NNPC na shirin sayar da hannun jari ga mabukata

Kamfanin Man Fetur na Nijeriya NNPCL, ya tabbatar da aniyarsa ta sayar da wani bangare na hannun jarinsa ga masu aniyar zuba jarin.

Shugaban kamfanin na NNPCL Mele Kyari, ne ya ba da tabbatar da hakan yayin wani taro kan al’amuran da suka shafi Man Fetur da iskar Gas kashi na 22, wanda aka gudanar ranar Talatar makon nan a birnin tarayya Abuja.

Da yake jawabi dangane da batun da ya shafi sake fasalin fannin domin cin gajiyar sa a nan gaba, Mele Kyari ya ce, matakin sayar da hannun jarin kamfanin abu ne da ke kan ka’ida.