NNPCL ya gargadi masu boye Fetur

Kamfanin man fetur na kasa, NNPCL, ya gargadi mutanen da ke sayen man Fetur su na adanawa domin tsoron fuskantar karanci da karin farashinsa.

Wannan gargadi ya biyo bayan karuwar jerin motoci a gidajen mai a sassan kasar nan a baya-bayan nan.

Kamfanin na NNPC, ya ce, yin gargadin ya zama dole, sakamakon yadda ake ci gaba da fuskantar dogayen layukan ababen hawa a gidajen mai a wasu sassan kasar nan, da ya fi kamari a babban birnin tarayya da kuma jihar Ikko.

Wata sanarwa da kamfanin na NNPC ya fitar, ta ba wa ‘yan Najeriya tabbaci, cewa an shawo kan matslar da ta haifar da layuka a gidajen man.