NPFL: Pillars ta doke Dakkada FC a kwantan wasan mako na 31

Kungiyar kwallon kafa ta Kano Pillars ta yi nasarar doke Dakkada FC da ci 1 mai ban haushi a gasar cin kofin Firimiya ta Najeriya a kwantan wasan mako na 31.

Dan wasan tsakiya na kungiyar ta Kano Pillars Yusuf Bala Maigoro ne ya zura kwallon data bawa Pillars Nasara a minti na 22 da fara wasa.

An dai buga wasan ne a filin wasa na Sani Abacha dake kofar Mata.

Da wannan sakamakon yanzu haka Pillars na matakin ta 15 da maki 42 a teburin gasar ta shekarar 2021/2022.

Kafin wannan wasa dai Pillars na a matsayin ta 19 a gasar Firimiyar ta Najeriya