Nuna banbanci:SSANU DA NASU sun gudanar da zanga zanga

Gamanyyar kungiyoyin SSANU da NASU reshen jami’ar Bayero da ke nan Kano sun gudanar da zanga-zangar lumana kan yadda ake fifita kungiyar Malaman jami’o’i ta kasa ASUU wajen rabon kuɗaɗen alawus na wata wata.

Kungiyoyin sun gudanar da zanga-zangar ne a harabar jami’ar Bayero da ke nan Kano da tsakar ranar Alhamis.

Da yake jawabi yayin zanga-zangar shugaban kungiyar ta SSANU reshen jami’ar Bayero kwamared Mustapha Aminu ya ce, ko kaɗan ba a yi musu adalci ba, kan yadda ake fifita kungiyar ASUU a kansu duk da cewa mambobinsu sunfi yawa.

Shima shugaban ƙungiyar SSANU Kwamared Abdullahi Nasir ya ce ko dai a duba kokensu ko kuma su dauki matakin da ba zai yiwa kowa dadi ba.

Ya yin zanga-zangar, ƴan ƙungiyar sun yi tattaki daga sakatariyar su zuwa harabar ofishin shugaban jami’ar domin mika masa takardar kokensu a rubuce