Rashawa : An sake gurfanar da shugaban hukumar tattara haraji a karo na biyu

A Karo na biyu cikin kwanaki biyu tsohon shugaban hukumar tattara haraji ta kasa Babatunde Fowler ya sake gurfana gaban hukumar yaki da cin hanci da rashawa ta EFCC don amsa tambayoyi.

A jiya Litinin ne hukumar ta EFCC ta gayyaci Babatunde Fowler da ya gurfana gabanta don amsa tambayoyi kan zarginsa da hannu a wata almundahana.

Rahotanni sun ce a jiya Litinin din hukumar ta EFCC ta kwashe tsawon awanni bakwai ta na yiwa tsohon shugaban hukumar ta FIRS tambayoyi kan zargin wani kamfani da kaucewa biyan haraji da ya kai naira biliyan dari.

Da ya ke zantawa da manema labarai a yau, mai magana da yawun hukumar ta EFCC Wilson Uwajaren, ya ce tsohon shugaban hukumar tattara haraji ta kasar yana da tambayoyi da dama da ya kamata ya ba da amsarsu