Riƙo da Sallah ya janyo wa Ƴar Talla samun kaɓakin arziƙi a Kano

Wata budurwa Hauwa’u mai tallan Awara ta samu kaɓakin arziƙin kayan aure, da kayan sana’a har ma da gyaran gidansu.

Hakan ya biyo bayan wallafa hotonta a dandalin Facebook lokacin da take Sallah a wajen talla, abin da ya janyo hankulan jama’a.

Wani matashi Abdulmuɗallib Hamza Kibiya shi ne ya yi mata hoton lokacin da take Sallah a Kasuwar Ƙofar Ruwa, kuma shi ne ya jagoranci haɗa mata tallafin kuɗi har kusan miliyan guda.

Freedom Radio ta samu zantawa da matashin wanda ya yi bayani filla-filla kan taimakon da aka haɗa mata.