Rundunar Operation Accord ta kashe ‘yan tada kayar baya a Kaduna

Rundunar sojin kasar nan na Operation Accord sun kashe ‘yan tada kayar baya hudu a jihar Kaduna tare da gano wasu muggan makamai ciki har da alburusai.

Mai magana da yawun rundunar tsaro ta kasa Manjo Janar John Eneche ne ya bayyana hakan, biyo bayan ci gaba da samun hare-haren ‘yan tada kayar bayan a babbar hanyar Abuja zuwa Kaduna.

Ya ce rundunar sojin tayi wannan nasara ne a biyu ga watan da muke ciki na Satumbar bana.

Ya kara da cewa jami’an rundunar sun bude musu wuta ne bayan da suka arba da su, inda suka kashe mutum hudu bayan sauran da suka tsere sun samu raunuka a jikin su.

Yayin harin jami’an sojin sun samu bindiga kirar AK 47 daya da sauran bindigogi daban-dabam.