Rundunar soja ta tarwatsa sansanin Darussalam dake jihar Nassarawa

Rundunar sojin kasar nan ta ce dakarunta sun tarwatsa wani sansanin masu tayar-da-kayar-baya da aka fi sani da Darussalam a yankin Uttu da ke karamar hukumar Toto a jihar Nasarawa.

Rundunar ta ce dakarunta sun Samu nasara ne biyo bayan bayanan  sirri da suka samu akan Maboyar yan tada kayar bayan.

Yayin harin rundunar ta ce jami’anta sun yi arangama da mayakan kungiyar wadanda daga bisani suka tsere, suka bar matansu, wadanda suka mika-wuya ga sojojin.

Hakan na cikin wata sanarwar da mai magana da yawun dakarun sojin da suka kai sumamen Abdulssalam sani ya fitar ga manema labarai.