Rundunar soji ta tabbatar da rahoton tashin Bom a bakin barikin Mogadishu

Sojojin a birnin tarayya Abuja sun tabbatar da rahoton samun fashewar wani abu a kusa da barikin soji a birnin na Abuja.

Lamarin ya faru ne a barikin sojoji na Mogadishu da ke kan hanyar Mararaba-Nyanya.

Rahotonni sun bayyana cewa, wanda ya tayar da bam ɗin ya mutu, yayin da aka samu jikkatar mutum guda inda yanzu haka ya ke samun kulawa a asibitin sojojin.

Sojojin sun ce an shawo kan lamarin zuwa yanzu, tare da cewa babu wata fargaba don haka mutane su kwantar da hankalinsu.