Rushe SARS : Wasu matasa na zanga-zanga a Kano

Yanzu haka wasu matasa na tsaka da gudanar da zanga-zanga a birnin Kano kan goyon bayan sabon tsarin ‘yan sandan SWAT da  babban Sefeton ‘yan sanda ya ce za a samar bayan rushe SARS.

Masu zanga-zangar sun mamaye kofar fadar gwamnatin jihar Kano in da suke nuna goyan bayan su kan kafa sashen SWAT don yaki da fashi da makami wacce babban sefeton ‘yan sanda Muhammad Adamu zai kafa.

Sabuwar rundunar ta SWAT, wace ake kira da  Special Weapons and Tactics a harshen nasaranci a cewar babban sefeton ‘yan sanda za’a sake inganta ayyukan su da kuma basu horo na mussaman.

Wakiliyar mu Zara’u Nasir ta rawaito cewa masu zanga-zangar na dauke da katina da banoni dake nuna goyan bayan su kan SWAT.