Samari masu ƙwacen waya sun shiga hannu a Kano

Rundunar ƴan sanda ta jihar Kano ta kama wasu matasa 31 waɗanda ake zargi da ƙwacen waya.
Jami’in hulɗa da jama’a na rundunar ƴan sandan jihar Kano DSP. Abdullahi Haruna Kiyawa shi ne ya bayyana hakan ga Freedom Radio.
DSP. Kiyawa ya ce, ana zargin matasan ne da tare hanya a daren Asabar a daidai mahaɗar titin Ɗanagundi da ke ƙaramar hukumar Birni da Kewaye inda suka riƙa karɓe wayoyi a hannun mutane.
An samu matasan da babura guda huɗu da wuƙaƙe manya da ƙananan da kuma miyagun ƙwayoyi a cewarsa.
Sai ku biyo mu a shirye-shiryen mu na gaba, domin jin cikakken labarin.