Sarkin Kano ya ziyarci mutanen da suka ƙone a gobarar Masallaci

Mai Martaba sarkin Kano Alhaji Aminu Ado Bayero, ya kai ziyara asibitin Murtala domin duba marasa lafiya waɗanda wani matashi ya banka wa wuta a masallaci a dai-dai lokacin da suke gabatar da sallar Asubahi a garin Gadam da ke Larabar Abasawa a karamar hukumar Gezawa.

Sarki Alhaji Aminu Ado Bayero, Bayan nuna jimami da alhinin bisa iftila’in ya kuma yi addu’a da fatan samun lafiya ga waɗanda ke kwance a asibitin sakamakon wannan lamari da kuma fatan kiyaye afkuwar hakan a gaba.

Sarkin na Kano, ya kuma yi addu’ar Allah ya gafarta wa waɗanda suka rasu ya, sanya Aljanna ce makoma a garesu.