Labarai
Sarkin Zazzau ya fashe da kuka ya yin nadin sa a Zariya
A yau Litinin 9 ga watan Nuwamba aka yi bikin bada sandar girma ga sabon Sarkin Zazzau Alhaji Ahmad Nuhu Bamalli a birnin Zariya.
Da yake jawabi sabon sarkin Zazzau ya fashe da kuka yana mia cewa ya godewa Allah da gwamantin jihar Kaduna kan wannan nadi da aka yi masa a matsayi sarki na 19
Yana mai cewa “ya gaji kakan sa Malam Musa da ya fito daga gidan Mallawa wanda ya karbo tuta daga Shehu Usman Dan Fodiyo”.
Bisa al’ada wajibi ne bayan an zabe sarki kuma gwamnati ta tabbatar da shi sai an yi bikin bada sandar girma ga sabon sarki.
A dai makon da ya gabata ne wata babbar Kotu a jihar Kaduna ta ce ba zata amince da buƙatar da aka shigar gabanta ta neman dakatar da nadin sabon sarkin Zazzau Ambasada Ahmad Nuhu Bamalli a matsayin sarki na sha tara a majalisar masarauta.
Iyan Zazzau Alhaji Bashir Aminu ya shigar da karar a Babbar Kotun jihar Kaduna wacce take zama a Sabon Garin Zariya yana kalubalantar nadin sabon sarki Ahmed Nuhu Bamalli a matayin Sarkin Zazzau.
Shi dai Alhaji Bashari Aminu Iyan Zazzau yana daga cikin wadanda suka yi zawarcin nemi sarautar ta Zazzau.
You must be logged in to post a comment Login