Sheikh Dahiru Bauchi ya musanta yana goyan bayan kalaman Obadiah Mailafiya

Fitaccen malamin addinin Islaman nan Sheikh Dahiru USMAN Bauchi ya musanta cewa ya goyi bayan kalaman da tsohon mataimakin gwamnan babban bankin kasa CBN Dr Obadiah Mailafiya yayi da ke cewa daya daga cikin gwamnonin arewacin kasar nna ke daukar nauyin ayyukan Boko Haram.

A wata zantawa da yayi da jaridar daily trust sheikh Dahiru Bauchi mai shekarun casa’in da uku ya ce ba gaskiya bane cewa ya tura wani makusancinsa wajen Mailafiya tare da nuna masa goyon baya.

A baya-bayan nan ne dai hukumar tsaron sirri ta DSS ta gayyaci Obadiah Mailayia har sau uku don amsa tambayoyi kan zardin da yayi na cewa wani gwamnan arewacin kasar nan shine kwamandan Boko Haram.

Run farko dai Dr Obadiha Mailafiya shi ya bayyanawa manema labarai cewa jama’a da dama ne suka goya mishi baya kan ikirarin nasa ciki kuwa da har da Sheikh Dahiru Bauchi.