Shirin Kowane Gauta 20-07-2022

Dan takarar shugabancin kasa a jam’iyyar PDP Atiku Abubakar, yace gwamnatin APC ta tabbata mai rauni ta fuskar gaza tsinkayar abinda ka je ya zo tunda sai yanzu ta sabunta kamfanin mai a kasa NNPC, abinda ta dade ta kalubalantarsa da shi tun gabanin hawa mulki a zango na biyu.

Yayin da gwamnatin tarayya tace shirye-shiryen yin zanga-zanga da kungiyar kwadago ta kasa NLC ke yi abu ne haramtacce, jam’iyyar APC mai mulki ta kaddamar da Kasim Shettima a matsayin mataimakin dan takarar shugabancin kasa.

Tsohon dan takarar gwamnan Kano na jam’iyyar CPC Lawal Jafaru Isah yace a halin da kasa take yanzu kowa ya gamsu cewa babu wani abu dake tafiya daidadi, don haka dole talakawa su yiwa kansu karatun ta natsu wajen sabunta katin zabe, tun da ance kuri’arka yancinka.

Domin jin cikakkun labaran, ga shirin Kowane Gauta dake kawo muku tsantsar ra’ayin ‘yan siyasa na kashin kansu.