Shugaba Buhari ya bar birnin tarayya Abuja zuwa mahaifar sa Daura

Shugaban kasa Muhammadu Buhari ya bar babban birnin tarayya Abuja zuwa mahaifar sa Daura a jihar Katsina don gudanar da bikin babbar Sallah na bana.

Shugaba Buhari ya dawo babban birnin tarayya Abuja daga birnin London a ranar Asabar din da ta gabata bayan shafe kwanaki 10 a can, kuma ya tafi birnin Daura ne don gudanar da bukukuwan sallah.

Shugaban kasa Muhammadu Buhari ya bar fadar shugaban kasa da ke Abuja zuwa Dauran ne da misalin karfe 3 da minti 6 na ranar yau Litinin.

Kafin tafiyar ta sa Shugaba Buhari ya jagoranci wani taro da shugabannin hafsoshin tsaron kasar nan a fadar shugabancin kasa dake villa a Abuja.