SHUGABAN KASA TINUBU YA TAYA GWAMNAN KANO MURNAR CIKA SHEKARU 61

Shugaban kasa Bola Tinubu ya taya Gwamnan jihar Kano Alhaji Abba Kabir Yusuf murnar cika shekaru 61 a duniya.

Wannan na ƙunshe ne ta cikin wata sanarwa da mai baiwa shugaban ƙasa shawara kan harkar labarai Chief Ajuri Ngelale ya fitar

Shugaba Tinubu ya amince da tsayuwar daka a cikin siyasar Gwamna Yusuf, ta hanyar siyasa tun daga matakin kwamishina zuwa gwamna.

Shugaban na yi wa Gwamna fatan samun nasarar gudanar da ayyukan sa, Shugaban ya kuma yi addu’ar Allah ya kara wa Gwamna shekaru masu yawa cikin koshin lafiya.