Silas Nwanko ya zama gwarzon dan wasan NPFL na 2021

Dan wasan gaba na tawagar Nassarawa United ,Silas Nwanko ya zama gwarzon dan wasan gasar Firimiyar Najeriya ta bana 2020/21,da aka kammala a wani taro da Kamfanin shirya gasar LMC, da hukumar Kwallon Najeriya NFF, suka shirya .

Taron ya gudana a Otal din Eko dake jihar Lagos, inda dan wasan ya samu kyautar zama dan wasa mafi hazaka na bana a gasar.

“Naji dadin karrama ni da akayi inda hakan ke nuni da cewar akwai ‘yan wasa hazikai a gasar Najeriya”.

” Kungiyata ta Nassarawa United Babbar tawaga ce , Ina godewa Allah da al’ummar jihar Nassarawa da abokanan Kwallo na ” inji dan wasa Silas Nwanko , a zantawar sa da manema labarai Jim kadan Bayan kammala zaben shi.

Tsohon dan wasan Sunshine Stars , Nwanko ya zura kwallaye 19, da yayi kan kan kan da dan wasan Akwa United, Charles Atshimene ,a yawan kwallaye.