Connect with us

Siyasa

Siyasa: APC ta kori Gudaji Kazaure

Published

on

Jam’iyyar APC ta kori dan majisa mai wakiltar kananan hukumomin Kazaure, da Roni da Gwiwa da kuma Yan Kwashi ta jihar Jigawa daga jam’iyyar.

Kakakin jam’iyyar na mazabar Yamma dake Kazaure, Basiru Adamu Kazaure shi ne ya bayyana hakan ta cikin shirin Kowane Gauta na Freedom Radio.

Basiru Adamu ya ce dan majalisar ya gaza wajen yi musu ayyukan da suka zabe shi domin yi musu, sannan baya yin biyayya ga jam’iyya.

Click to comment

You must be logged in to post a comment Login

Nishadi

Ban baiwa Madam Korede mukami ba -Tambuwal

Published

on

Gwamnan jihar Sokoto Aminu Waziri Tambuwal,  ya karyata labarin da ake yadawa a kafafan sada zumunta na cewa ya nada fitacciyar jarumar barkwancin nan dake jihar Kaduna wato Maryam Aliyu Obaje wadda aka fi sani da Madam Korede,  mukami.

Cikin wata sanarwa da mai baiwa gwamnan jihar Sokoto shawara kan kafafan yada labarai Muhammad Bello, ya fitar a ranar Alhamis ya ce wannan labarin  kanzon kurege ne.

A yanzu haka gwamna Tambuwal yana jihar Delta domin gabatar da wasu ayyuka na musamman  don haka jama’a suyi watsi da wannan labari a cewar Muhammad Bello.

Labarai masu alaka.

APC zata daukaka kara kan shari’ar zaben gwamnan Sokoto

Buhari zai yi titi daga Sokoto zuwa Nijar

Tun da farko dai Madam Korede,  ce ta wallafa hoton ta da wani zane da akayi mata na taya ta murnar a matsayin sabuwar mai baiwa gwamnan jihar Sokoto shawara kan sabbin kafafan yada labarai, wanda daga baya  ta cire hoton da ta wallafa.

Freedom Radio tayi kokarin jin ta bakin jarumar amma hakan ta ya ci tura.

A tuntubar da Freedom Radio ta yi wa  matashin da ya yiwa Madam Korede zanen da ta wallafa a shafin ta,  ya tabbatar da cewa ita ce ta umarce  shi, ya yi mata wannan zanen.

 

Continue Reading

Labaran Kano

YakasaiGate: EFCC ta gayyaci tsofaffin kansilolin Kano Municipal

Published

on

Hukumar yaki da cin hanci da rashawa ta kasa EFCC shiyyar Kano ta gayyaci tsofaffin kansilolin da suka yi zamani da tsohon shugaban karamar hukumar birni da kewaye Muntari Ishaq Yakasai, a yau Talata.

Wasu daga kansilolin da suka amsa gayyatar hukumar ta EFCC a yau Talata, sun shaidawa Freedom Radio cewar, kudaden da hukumar EFCC ta tambayesu akai, basu da wata masaniya game da su.

Wadanda suke da masaniya kan salwantar kudaden da ake binciken sune tsohon shugaban karamar hukumar da kuma shugaban majalisar kansiloli ta wancan lokacin a cewar tsohon kansila Isma’ila Wada Alhajin Goro.

Karin Labarai:

EFCC ta cafke Muntari Ishaq Yakasai

Muna rokon gwamna Ganduje ya sulhunta Muntari da Sha’aban –Habib Sadam

Dangane da batun zargin badakalar Kasuwar Kofar Wambai tsoffin kansilolin sun ce ba da su akayi watandar kasuwar ba, suma wayar gari sukayi suka ga ana yin ta.

Idan zaku iya tunawa dai a ranar 21 ga watan Fabrairun da ya gabata ne, hukumar ta EFCC ta cafke tsohon shugaban karamar hukumar ta birni kuma kwamishinan ayyuka na musamman na jihar Kano Alhaji Muntari Ishaq Yakasai.

EFCC ta ce ta cafke Muntari Yakasai ne sakamakon wata takardar korafi da ta samu kan zargin ya karkatar da naira miliyan saba’in da shida mallakar karamar hukumar.

Har ila yau ana zargin Yakasai da gine wani sashe na makarantar Firamare ta Kofar Nasarawa, inda yayi shaguna ya siyar da su aka naira miliyan goma-goma ba bisa ka’ida ba.

Karin Labarai:

Muntari Ishaq ya can-can ci zama kwamishina -Aminu Mai dawa

Siyasa: Muntari bai can-canci zama kwamishina ba –Hamza Darma

Continue Reading

Labarai

Buhari zai kashe Biliyan Dari da Hamsin ga Titunan manyan hanyoyi

Published

on

Gwamnatin tarayya zata kashe Biliyan Dari da Hamsin wajen yin aikin tituna arba’in da hudu na manyan hanyoyi a fadin kasar nan.

Karamin ministan aiyyuka da gidaje Injiniya Abubakar Aliyu, ne ya bayyana haka a birnin tarayya Abuja, ya yin ganawar sa da manema labarai.

Aikin wanda za a gudanar da shi a fadin kasar nan, kudaden gudanar dashi zasu fito ne daga tsarin Inshora na Islama Sukuk, wato Sukuk Bond, da za a karba daga ofishin lura da basussuka na kasa.

Injiniya Aliyu, wanda ya tattauna da ‘yan jaridu a wajen taron tsare-tsare na kasa da cigaba, ya ce duba da yanayi na karancin kudade da ake fuskanta hakan ta sa gwamnatin tarayya ta samu hanyar gudanar da ayyukan da ta dauko, tare da samun hanyoyin kudaden gabatar dasu.

Ministan ya kara dacewa, daga shekarar dubu biyu da sha bakwai zuwa da sha takwas, gwamnati ta kashe Biliyan Dari biyu, shima bisa tsarin inshorar na Sukuk, a hanyoyin kasar nan guda Hamsin da takwas, wanda ashirin da biyar daga ciki anyi su a shekarar dubu biyu da sha bakwai, ya yin da ashirin da takwas aka yi su a cikin shekara dubu biyu da sha takwas.

Ministan yace, a kokarin da gwamnati take na ganin an cike gibi da samun dai daito, ma’aikatar sa zata cigaba da gudanar da ayyukan tituna da gyara su a makarantun gaba da sakandire, ta hanyoyi daban-daban a makarantu 44, a fadin kasar nan.

Continue Reading

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 316,348 other subscribers.

Trending

Copyright © 2019. Freedom Radio Group. All Rights Reserved.

error: Content is protected !!