Siyasantar da harkar ɗaukan jami’an tsaro ne babbar matsalar ƙasar nan – Farfesa Umara Zulum

Gwamnan jihar Borno Babagana Umara Zulum ya ƙalubalanci shirin sake ɗaukar jami’an tsaro a ƙasar nan.

Zulum ya bayyana hakan lokacin da yake jawabi a wajen wani taro kan sha’anin tsaro da aka shirya a jihar Filato.

Ya ce, ɗaukan sabbin jami’an tsaro ba komai zai haifar ba, fa ce barin Nijeriya a hannun mutanen da babu komai a gaban su, illa neman aikin yi, ba kishin ƙasa ba.

Zulum yayi zargin cewa mafi yawan jami’an tsaron da ake shirin dauka suna ta fafutukar neman aikin yi ne, sakamakon ba su samu abin dogara da kan su ba.

Har ma ya alaƙanta batun ɗaukan sabbin jamia’an tsaron da cewa siyasa ce kawai.