Sojojin sun sha alwashin ɗaukar fansa kan harin NDA

Rundunar sojin ƙasar nan ta lashi takobin ɗaukar fansa kan harin da ƴan bindiga suka kai Kwalejin horas da sojoji ta NDA a Kaduna.

A ranar Talata ne, ƴan bindigar suka kai hari Kwalejin, inda suka kashe sojoji biyu, tare da sace wani guda.

Sai dai shalkwatar tsaron ƙasar nan, ta lashi takobin nemo ƴan bindigar.

A sanarwar ta’aziyya da shugaban hafsan sojin ƙasar nan Janar Lucky Irabo ya fitar, ya ce, za a sake inganta tsaro a makarantar da kewayenta.