Bamu amince jama’a su ɗauki matakin kare kai daga ƴan ta’adda ba – Ministan ƴan sanda

Gwamnatin tarayya ta yi watsi da kiran da Gwamnan jihar Katsina da wasu shugabanni suka yi, na jama’a su ɗauki matakin kare kansu daga ƴan ta’adda.

Ministan harkokin ƴansanda na ƙasa Muhammad Maigari Dingƴaɗi ne ya bayyana hakan ranar Talata, yayin taron manema labarai a Abuja.

Ya ce, Gwamnati bata goyon bayan al’umma su tunkari ƴan bindiga da zummar kare kai, kamar yadda wasu shugabanni suka nema.

Maigari Dingyaɗi ya ce, Gwamnati da jami’an tsaro ba za su kai ga ci ba, wajen yaƙi da ƴan ta’adda, har sai al’ummar gari sun bada haɗin kai.