Sule Lamido ya zargi gwamnatin APC da gaza cika alƙawuran da tayi

Tsohon Gwamnan jihar Jigawa Alhaji Sule Lamiɗo, ya ce fifita buƙatun kai da wasu shugabannin siyasa ke yi a arewacin ƙasar nan, shi ke haddasa matsalolin tsaron da ke ƙara ta’azzara.

Sule Lamiɗo ya bayyana hakan ne yayin bikin cikar sa shekaru 73 a duniya. Ya kuma zargi Gwamnatin APC da gaza cika alƙawuran da ta yi, baya ga ɗora mutane kan aikata abu bisa doron son zuciya.

Tsohon Gwamnan ya ƙara da cewa, matukar ana son kawo karshen matsalolin da Najeriya ta shiga, to dole sai shugabanni da malamai a kowane bangare sun ajiye son rai, tare da haɗa kai a matsayin ƙasa guda.