Ta’addanci: an kashe matashi a bakin sana’arsa

Wasu da ake kyautata zaton ‘yan fashi da makami ne sun hallaka wani matashi a jihar Neja.

Rahotani sun tabbatar da cewa matashin mai suna Auwalu Muhammad, dan asalin Gumel ne a jihar Jigawa.

Ana zargin ‘yan fashin sun kasha mutumi tare da tserewa da babur din sa da yake Sana’a da shi.

Idris Aliyu wanda shi ne Mai gidan marigayin, ya shaidawa manema labarai cewa “Auwal ya dauki fasinjoji ne zuwa yankin Tapa a jihar Neja, inda suka shammace shi wajen yi masa mummunan rauni kansa da wasu sassan jikinsa tare da jansa zuwa cikin daji suka kashe shi”.

“Sai dai abin takaicin da muka ga gawar mun lura da cewa an dade da kashe shi, amma har zuwa lokacin jami’an tsaro ba su iya gano shi ba, har sai da muka je da kan mu” a cewar Idris Aliyu.

Wakilin mu Abdulkarim Muhammad Abdulkarim ya ruwaito rundunar ‘yan sandan jihar Neja bata yi karin bayani kan faruwar lamarin ba.