Connect with us

Labarai

Takaita amfani da layukan waya zai karfafa tsaro- Hadi Zarewa

Published

on

Tsohon mataimakin sufeton ‘yan sandan kasar nan Muhammad Hadi Zarewa mai ritaya ya bayyana shirin nan na gwamnatin tarayya kan yadda za’a takaita mallakar layukan waya a hannun ‘yan Najeriya da cewa zai taimaka wajen kyautata tsaron kasar nan.

Muhammad Hadi Zarewa mai ritaya ya bayyana hakan ne ta cikin shirin duniyar mu a yau, na nan tashar freedom radiyo wanda ya mayar da hankall kan shirin takaita mallakar layukan waya a hannun jama’a.

Ya ce, tsarin ba zai sa mu karbuwa ba, har sai gwamnonin jahohi sun bada goyon bayan su wajen hana al’ummar da suke jagoranta mallakar layukan musamman ma ta hanyar sayar da su barkatai.

Amfani da fasahar zamani zai taimaka wajen magance matsalar tsaro -Dakta Sani Lawan Malumfashi

Kaduna za ta karbi tsarin tsaro na AMOTEKUN

Rundunar ‘yan sanda ta samar da tsaro don tunkarar zaben da za’a a Kano

Shi kuwa masanin kimiyyar sadarwa anan Kano, Malam Yusuf Ibrahim Sharada ya alakanta mallakar layukan waya sama da uku da cewa, yana da alaka da yin amfani da DATA wanda hakan ke sawa mutane na mallakar layuka da yawa.

Shi kuwa lauya mai zaman kansa a nan Kano Barisata Sale Muhammad Turmizi da ya kasance cikin shirin cewa yayi, idan har ana so dokar tayi amfani to sai an bi ka’ idodin da tun da fari ya kamata abi su kafin damar mallakar layukan wayar ya yawaita a hannun jama’a.

Dukkanin bakin sun bukaci da a tabbatar da wannan tsari na takaita mallakar layukan waya sama da uku a hannun al’umma wanda suka ce hakan zai taimaka wajen samun magance barazanar tsaro da gano masu aikata laifuka

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 332,987 other subscribers.

Copyright © 2019. Freedom Radio Group. All Rights Reserved.

error: Content is protected !!