Takutaha: Abba Gida-gida ya ayyana Laraba a matsayin ranar hutu

Gwamnan jihar Kano Alhaji Abba Kabir Yusuf ya ayyana yau Laraba 4 ga watan Oktobar 2023 a matsayin ranar hutu domin bikin Takurawa don tunawa da Mauludin Annabi Muhammad, tsira da amincin Allah su tabbata a gare shi.

Hakan na ƙunshe ne cikin wata sanarwa da kwamishinan yaɗa labarai da harkokin cikin gida Baba Halilu Dantiye ya fitar.

Sanarwar ta ruwaito cewa gwamnan ya buƙaci al’ummar jihar da su yi amfani da wannan damar wajen yin koyi a kan koyarwar Manzon Allah Sallallahu Alaihi Wasallama da kuma aiki da su.

Ya kuma buƙaci jama’a da su ƙara yin addu’a domin samun zaman lafiya da ƙaruwar arziki a Kano da Najeriya baki ɗaya.

Ya kuma yi addu’ar Allah albarkace mu da albarkar noman damina mai albarka a bana da kuma damina mai zuwa