NAKSS ta buƙaci Abba Gida-gida ya riƙa bai wa ɗalibai tallafi sau 2 a shekara

Kungiyar dalibai ‘yan Asalin jihar Kano NAKSS ta bukaci gwamnatin Kano da ta fito da wani tsari na musamman da za ta rinka bawa dalibai tallafin karatu sau biyu a shekara duba da irin wahalar da dalibai ke tsintar kansu sakamakon matsain rayuwa da ake ciki a yanzu.

Mai Magana da yawun kungiyar reshen jami’ar Bayero kwamred Umar Hamisu Kofar Na’isa ne ya bayyana hakan ga Freedom Radiyo.

Haka zalika kungiyar ta yabawa gwamnan jihar Kano Alhaji Abba Kabir Yusuf sakamakon kammala biyan kudin makaranta ga daliban jihar Kano dake karatu a jami’ar Bayero da ba su yi ba.