Tattalin arzikin Najeriya ya karu da kaso 5 a tsakiyar shekarar 2021 – NBS

Hukumar kididdiga ta Najeriya ta ce tattalin arzikin kasar ya karu da kashi 5.1 a tsakiyar shekarar nan da muke ci.

Hakan na cikin wata sanarwa da hukumar ta fitar jiya ga manema labarai a Abuja.

Sanarwar ta ce an samu karin ne a watanni shidan farkon wannan shekara.

Kazalika sanarwar ta ce idan aka kwatanta da kashi 0.51 da aka samu a watanni ukun farkon shekarar da muke ciki, za’aga cewar an samu karuwar tattalin arzikin na Najeriya.