Zamu hukunta duk wanda ya saba dokar canjin kudaden ketare – CBN

Bankuna sun ce duk wanda ya sabawa sabuwar dokar canjin kudaden kasashen ketare zai fuskantar tsatstsauran hukunci daga Babban Bankin Najeriya CBN.

Bankunan sun bayyana hakan ne ta cikin sakonnin karta kwana da suka aike wa abokanan kasuwancinsu.

“Dangane da manufar CBN na inganta hanyoyin musayar kudaden waje don gudanar da halattattun hada-hada, mun sha alwashin samar muku da canjin kudaden don tafiye-tafiye da kasuwanci tare da biyan kudin makaranta a kasashen na ketare da sauran ma’amaloli,” in ji su.

Bankunan sun kuma yi kira ga abokanan kasuwancin na su dasu bada hadin kai wajen cimma nasarrorin manufar sabon tsarin samar da canjin kudaden don kiyaye fushin doka.