Tennis: Liam Broady ya samu tikitin buga gasar France Open

Dan wasan kasar Burtaniya Liam Broady ya samu tikitin buga gasar kwallon Tennis ta French Open karo na farko a tarihin wasannin sa.

Liam Broady ya doke dan wasan kasar Australian Marc Polmans da ci 7-6 7-5 6-4 a fafatawar da sukai wanda hakan ne ya bashi damar zuwa gasar ta France Open.

Broady mai shekaru 26, yanzu haka ya samu nasara a wasanni uku da ya buga a jere wanda hakan ya bashi damar samun tikitin buga gasar ta France Open.

Yanzu haka dan wasa Broady ya shiga sahun yan wasa irin su Andy Murray da Dan Evans da Cameron Norrie da Kyle Edmund da zasu halarci gasar Grand Slam, wacce za ta fara gudana daga ranar Lahadi mai zuwa.