Tottenham ta sallami mai horar da ita  Nuno Santo Espirito

Kungiyar kwallon kafa ta Tottenham da ke kasar Ingila ta sanar da sallamar mai horar da tawagar Nuno Espirito Santo, bayan watanni hudu daya kwashe yana jagorantar kungiyar.

Tottenham dai a karshen mako ta yi rashin nasara da ci 3-0 a hannun Manchester United a gasar Firimiya.

Kungiyar Spurs ta yi rashin nasara a wasanni 5 cikin 7 da ta buga.

Inda ta ke da maki 8 da tazarar maki 10 tsakaninta da mai jagorantar teburin gasar Chelsea.

“Mun dauki matakin sallamar   Nuno ne sakamakon yadda kungiyar ta mu a yanzu ta gaza samun nasararori, amma dai munsan irin gudunmawar da ya bayar a cigaban kungiyar a cewar daraktan wasannin na kungiyar Fabio Paratici.

Mai shekaru 47 dan kasar Portugal tin da fari ya amince da kwantaragin shekaru biyu a kungiyar

bayan shafe shekaru hudu ya na jagorantar Wolves.

Kungiyar kwallon kafa ta Totttenham dai ta ayyana cewa sallamar mai horar da kungiyar shine matakin da zai kawo mata nasarori a anan gaba.