Tsaro: An kawo sabon kwamandan rundunar soji a Kano

Runduna ta uku ta sojin kasar nan da ke barikin Bukavu anan Kano ta samu sabon babban kwamanda wanda ya kama aiki a ranar juma’a da ta gabata.

Hakan na kunshe ne cikin wata sanarwa da rundunar ta fitar mai dauke da sa hannun mai magana da yawunta, kaftin Njoka Irabor.

Sanarwar ta ce, a yanzu burgediya janar Bamidele Alabi wanda shine babban kwamandan rundunar an yi masa sauyin wajen aiki zuwa shalkwatar rundunar sojin Najeriya da ke Abuja.

Yayin da burgediya janar Sinyinah Nicodemus ya maye gurbinsa a matsayin sabon kwamandan rundunar ta uku da ke Bukavu anan Kano.