Tsaro: Buhari ya bada umarnin rufe hanyoyin sadarwa a jihar Zamfara

Gwamnatin tarayya ta bada umarnin rufe layukan sadarwa a fadin jihar Zamfara, domin bawa jami’an tsaro damar fatattakar ‘yan ta’addan da suka damu jihar.

Hakan na zuwa ne biyo bayan bukatar hakan da gwamnatin jihar ta yi, ta cikin wata takarda data aikewa kamfanin sadarwa na kasa NCC a ranar 31 ga watan Agustan da ya gabata.

Tsaro: muna buƙatar gwamnatin tarayya ta kawo mana ɗaukin gaggawa – Majalisar dokokin Zamfara

Inda a jiya juma’a 03 ga watan Satumba shugaban hukumar Farfesa Garba Umar Danbatta ya sanyawa takardar hannu.

Hakan ya sa NCC ta bawa kamfanonin umarnin dakatar da hanyoyin sadarwa a baki dayan jihar daga jiya juma’a 3 ga watan Satumba zuwa 17 ga watan.