Tsaro: Rundunar Sojin sama ta musanta rahoton dake alakanta jirginta da lugudan wuta a Yobe

Rundunar sojin saman kasar nan ta musanta rahotannin da ke alakanta daya daga cikin jiragen yakin ta da yin lugudan wuta a jihar Yobe.

Wannan na zuwa ne sa’o’i kadan bayan da mazauna yankin Buhari da ke karamar hukumar Yunusari suka ce an kashe mutane da dama yayin da wasu suka jikkata bayan lugudan wutar da aka yi musu.

Garin Buhari dai na da nisan kilomita 20 daga hedkwatar karamar hukumar ta Yunusari.