‘Yan sanda sun kama wadanda ake zargi da kashe dan Sanata Na-Allah a Kaduna

Rundunar ‘yan sandan jihar Kaduna ta yi nasarar kama wasu mutane biyu da ake zargi da kisan Abdulkarim Na-Allah, babban da ga Sanata Bala Ibn Na’Allah.

Mai magana da yawun rundunar ‘yansandan jihar, ASP Mohammed Jalige, ne ya tabbatar da haka ga manema labarai ranar Laraba.

Tun a ranar 29 ga watan da ya gabata ne Agusta, jami’an tsaro suka tabbatar mutuwarsa lokacin da aka tsinci gawarsa a dakinsa da ke Malali a Kaduna.

Jalige ya kara da cewa ana ci gaba da bincike don gano musabbabin kisan.